Երեկ Մանհեթենի դաշնային դատարանի ատենակալների
կողմից Նյու Ջերսիի սենատոր Բոբ Մենենդեսը մեղավոր է ճանաչվել կոռուպցիայի մեջ:
70-ամյա Մենենդեսն իրեն մեղավոր չի ճանաչել 16
մեղադրանքներում, այդ թվում՝ կաշառակերություն, գործունեություն որպես օտարերկրյա
գործակալ և արդարադատությանը խոչընդոտում: Այս մասին հայտնում է Reuters-ը։
Դաշնային դատախազները հայտարարել են, որ 70-ամյա
սենատորը և նրա կինը՝ Նադին Մենենդեսը, որպես կաշառք ընդունել են հարյուր
հազարավոր դոլարներ կանխիկ, ոսկու ձուլակտորներ և ավտոմեքենաների ու հիփոթեքային
վճարումներ երեք գործարարներից:
Մենենդեսը լքել է Սենատի արտաքին
հարաբերությունների հարցերով կոմիտեի նախագահի պաշտոնը անցյալ տարվա սեպտեմբերին
իր նկատմամբ առաջադրված մեղադրանքից հետո: Նա հանդես է գալիս որպես անկախ թեկնածու
նոյեմբերին իր պաշտոնում վերընտրվելու համար։
Նադին Մենենդեսը ներկա չի եղել Բոբ Մենենդեսի
դատավարությանը, քանի որ նրա մոտ հայտնաբերել են ուռուցք: Նա դատարան կներկայանա
ավելի ուշ։
«Այս մեղադրական դատավճռի լույսի ներքո սենատոր
Մենենդեսը պետք է ճիշտ վարվի իր ընտրողների, Սենատի ու մեր երկրի նկատմամբ և
հրաժարական տա»,- երեքշաբթի հայտարարել է Կոնգրեսի Վերին պալատում դեմոկրատական մեծամասնության
առաջնորդ Չակ Շումերը:
